நட்புறவு மகளீர் உதைபந்தாட்ட போட்டி

நட்புறவு மகளீர் உதைபந்தாட்ட போட்டி 

எதிர்வரும் 23,24,25  ஆம் திகதிகளில் கொழும்பில் நடைபெறவுள்ள பாடசாலைகளுகிடையான தேசிய மட்ட மகளீர்  உதைபந்தாட்ட போட்டியில் கலந்து கொள்ள உள்ள மாகாணமட்ட போட்டியில் முதலாம் இடத்தைப் பெற்றுக்கொண்ட மட்/மமே/கடுக்காமுனை வாணி வித்தியாலய மகளீர் அணிக்கும், மாகாண மட்ட போட்டியில் மூன்றாம் இடத்தை பெற்றுக்கொண்ட மட்/ககு/பனிச்சங்கேணி திருமகள் வித்தியாலய மகளீர் அணிக்குமான நட்புறவு உதைபந்தாட்ட போட்டி ஒன்று   மட்/மமே/கடுக்காமுனை வாணி வித்தியாலய விளையாட்டு மைதானத்தில் புதன் கிழமை  (17.09.2014)  அதாவது இன்று நடைபெற்றது.

இவ் விளையாட்டு நிகழ்வுகள் மட்/மமே/கடுக்காமுனை வாணி வித்தியாலய  அதிபர் திரு .S. தேவராஜன்  தலைமையில் ஆரம்பிக்கப்பட்டு இப் பாடசாலையின் உதைபந்தாட்ட அணிக்கு பயிற்றுவிப்பாளராக  திகழ்கின்ற திரு.M .ஜீவரெத்தினம்  ஆசிரியர் அவர்களின் நெறியாள்கையில் இடம்பெற்றன. 

இவ் ஆரம்பநிகழ்வின் போது  மட்/மமே/கடுக்காமுனை வாணி வித்தியாலய பிரதி அதிபர்.S .கருணாமூர்த்தி, சுகாதார பாட ஆசிரியர் திரு .K .ஜெயராமன் மற்றும் ஏனைய ஆசிரியர்களும் கலந்துகொண்டனர்.

அத்துடன்  மட்/ககு/பனிச்சங்கேணி திருமகள் வித்தியாலய அணி சார்பாக உதைபந்தாட்ட அணி பயிற்றுவிப்பாளர் திரு .L .திருநிறைச்செல்வன் ஆசிரியரும் , ஆங்கில ஆசிரியை செல்வி .R .பிறேமராகினி அவர்களும் கலந்துகொண்டனர். 

இவ் நிகழ்வில் நட்புரீதியாக இரு அணிகளுக்கும் பல பயிற்சிகள் திரு.M .ஜீவரெத்தினம்  ஆசிரியர் ,திரு .L .திருநிறைச்செல்வன் ஆசிரியர் ,கடுக்காமுனை வாணி வித்தியாலய திரு .S . வேந்தராசா ஆசிரியர் , கடுக்காமுனை வாணி வித்தியாலய பழைய மாணவரும் உதவி பயிற்று விப்பாளருமான திரு .M .வினோகரன் ஆகியோரால் வழங்கப்பட்டன .

இறுதியில் இரு அணிகளுக்கும் இடையில் அரை மணித்தியாலம், அரை மணித்தியாலம் என்ற அடிப்படையில் இடம்பெற்ற உதைபந்தாட்ட போட்டியில் மட்/மமே/கடுக்காமுனை வாணி வித்தியாலய மகளீர் அணி 2-0

(இரண்டுக்கு பூச்சியம்) என்ற அடிப்படையில் மட்/ககு/பனிச்சங்கேணி திருமகள் வித்தியாலய மகளீர் அணியை வெற்றிகொண்டது.